තවලම ප්‍රාදේශීය ලේකම් කාර්යාලය

තවලම ප්‍රාදේශීය ලේකම් කොට්ඨාසයේ පනංගල උතුර ග්‍රාම නිළධාරි වසමේ පදිංචි පී.ඩබ්. නිහාල් රත්නසූරිය මහතාට  සමෘද්ධි රන්විමන නිවාස වැඩසටහන  2024 යටතේ  ඉදිකළ ස්ථිර නිවාසය ඔහු වෙත ලබා දීම  තවලම ප්‍රාදේශීය ලේකම් නිලූකා සූරියආරච්චි මැතිණියගේ ප්‍රධානත්වයෙන් 2025.01.03 දින සිදු කරන ලදි. 

සමෘද්ධි සංවර්ධන දෙපාර්තමේන්තවේ හා දකුණු පළාත් සමාජ සේවා දෙපාර්තමේන්තුවේ ප්‍රතිපාදන මත ප්‍රාදේශීය ලේකම්තුමියගේ උපදෙස් හා මගපෙන්වීම පරිදි තවලම සමෘද්ධි ප්‍රජා මූල බැංකු සමිතියේ සමාජ සංවර්ධන සහකාර නිලධාරී හා පනංගල උතුර ග්‍රාම නිලධාරී මැදිහත්වීමෙන් මෙම නිවස ඉදි කරන ලදී.මෙම අවස්ථාව සදහා තවලම ප්‍රාදේශීය ලේකම් නිලූකා සූරියආච්චි මැතිණිය, හිනිදුම සමෘද්ධි බැංකු කළමනාකරු, සමෘද්ධි සංවර්ධන නිලධාරීන්, පනංගල උතුර ග්‍රාම නිලධාරි, ආර්ථික සංවර්ධන නිලධාරීන් ඇතුඵ රාජ්‍ය නිලධාරින් හා ප්‍රදේශවාසීන් එක්විය.

බෞද්ධ කටයුතු පිළිබඳ දෙපාර්තමේන්තුව සහ තවලම ප්‍රාදේශීය ලේකම් කාර්යාලය එක්ව සංවිධානය කල දහම් පාසල් ගුරුවරුන් පුහුණු කිරීමේ එක් දින වැඩසටහනක් 2024.12.08 දින ප්‍රාදේශීය ලේකම් කාර්යාල ශ්‍රවණාගාරයේදී පවත්වන ලදි.

කාර්යක්ෂම හා ඵලදායී  මහජන සේවයක් සැපයීම මූලික අරමුණ කරගනිමින් 2025 නව වසර සඳහා රාජකාරී ආරම්භ කිරීම සනිටුහන් කිරීම තවලම ප්‍රාදේශීය ලේකම් නිලූකා එල්. සූරියආරච්චි මැතිණියගේ ප්‍රධානත්වයෙන් සිදු කරන ලදි. ජාතික ගීය ගායනා කිරීමෙන් අනතුරුව Clean Sri Lanka වැඩසටහනට සමගාමීව රාජ්‍ය සේවා ප්‍රතිඥාව ලබා දීම සිදු කරන ලදි. ඉන් අනතුරුව වැඩමවා වදාල මහා සංඝරත්නය විසින් ආගමික චාරිත්‍ර ඉටු කිරීම හා සෙත් පිරිත් දේශනා කිරීම සිදු කරන ලදි. කාර්යාලීය සියලුම නිලධාරීන් මෙම අවස්ථාවට සහභාගී විය.

2024 අගෝස්තු මස 05 වන දින තවලම ප්‍රාදේශීය ලේකම් කාර්යාලයේ ග්‍රාම නිලධාරී අංශය විසින් සංවිධානය කරන ලද ධර්ම දේශනාවක් ප්‍රාදේශීය ලේකම් කාර්යාල පරිශ්‍රයේදී ගෞරවාන්විතව හා භක්තියෙන් යුතුව පැවැත්විණි. මෙම අවස්ථාවට ප්‍රාදේශීය ‌ලේකම් නිලූකා සූරියආරච්චි මැතිණිය ඇතුළු නිලධාරීහු සහභාගී විය.